سمعت عن المنتج الفلاني؟ طيب مين أحسن واحد بيبيعه؟؟

لما بنسمع أي ترشيحات من اصحابنا لمنتج أو خدمة معينة وتشوفهم بيشكروا فيه بعد ما جربوه وكمان بيوصونا اننا نشتريه ونجربه يبقى الناس دي راضية عن تجربتهم مع المنتج ده.. وده من اكتر انواع الترويج مصداقية لأن العملاء لما يتكلموا عن منتج مش بيكونوا مستنيين مكافأة، هم بس حبوا يشاركوا الناس تجربتهم لمنتجات او خدمات محددة ويشجعوهم عليها.

كصاحب شركة أكيد حتفرح لما الموقف اللي فوق ده يكون عن منتجاتك وأحب اقولك إنك ببساطة ممكن توصل للمرحلة دي لو قدرت تخلي الخدمة عندك تعدي مستوى توقعات عميلك..

اللي فات ده كان تبسيط لمفهوم في التسويق اسمه word-of-mouth وهو واحد من أهم أنواع الترويج غير المدفوع ولو شركتك اتبعته فعلا حتتحول خلال فترة بسيطة من مجرد المنافسة في السوق الى قيادة السوق..

لو في حاجة مش واضحة عرفوني وقولولي تحبوا نتكلم عن إيه في البوستات الجاية…

تحياتي ليكم..